L'aute sèr, que soi anat à la sala Félix Arnaudin enta entener parlar d'aqueth project de golf à Abesse.Que soi arribat un chic tard, qu'avi las vacas à molher, n'ei pas vis lo començament.
Que m'an dit arron que n'avi pas perdut gran causa.
Cuan soi entrat, lo Meste Cabé, sus l'empont, que si haseva, n'i avé pas sonque eth que parlava. Sorrident enta las tres prumeras arrengadas, muishava maishants caishaus p'os auts que n'éran pas d'acòrd..
Aqui un punh de....,un brassat de... Acerá un chic de...vam guardar quauques cassos... , aciu qu'et vos hicar maisons ...
La Dany que hasé lo pót, tots los auts conselhers, à costat, baishavan lo cap.
Mes lo mei plasent qu'ere cuan un praube Yoye demandava lo micro, lo Robert hasé lusir los arnauts:
Leva-te!
E com t'apèras?
E d'on es sortit?
E que heis ?
E la toa mai q'ac sa qu'es aciu? (no, aço n'es pas vertat, qu'es entà arrider.)
Com disé l'aut, ne cau pas tostems planher , tot aquo ne m'a pas costat dez liures, la sala qu'ere plan cauhada, qu' i avé animacion e jo, au hon da sala, qu'ere hort content pram'or l'Estacat de Comunicacion qu'em hasé fotos, sei pas ta qué. Que cau que m'en pensi a anar cercar los tirajes a la Mairie.
Qu'em tarda de tornar entener lo Robert, pram'or qu'a dit que lo project n'ere pas finalisat e qu'es partit en disant à benleu..
Aimat Nasdebiague
